إذا كنت من رواد شارع الزينه بمنطقة الشويخ الصناعيه لازم تكون قد أكلت من مطعم بو ساكو او على الاقل مريت عليه، هذا المطعم من أحد أفضل مطاعم الوجبات الخفيفه المفضل لي، فهو يقدم سندويش الفلافل العجيبه من اطيب سندويشات الفلافل بالكويت، بالاضافه الي المشكل والفطاير وشاورما الدجاج بالفلفل التي يتم تحضيرها من الصباح لرواد المطعم، نعم شورما من الصباح حتى المساء وما يبقى منها شي.
 |
| فرن الفطائر |
 |
| المعلم منصور |
قمت بالتحدث مع المعلم منصورالذي كانت بدايته مع المطعم من سنة 1975 وعطاني نبذه بسيطه عن تاريخ هذا المطعم، حيث كانت بداية المطعم بالستنيات وكان اسم المطعم كانتين العوضي ثم تم تغيراسمه عدة مرات لتعدد ملاكه، بو ساكو اسم الشهره وهو اسم شريك صاحب المحل قديما واسمه الحالي مطعم ساكو الكويت.
 |
| قائمة الاسعار |
 |
| شاورما دجاج بالفلفل |
 |
| سندويش فلافل مع بطاط |
شكله عجييييييييييب لازم نجربه
لازم .. اهم شي الفلافل مع بطاط 🙂
افا يا ذا العلم! ماتقول اتنقص حق ربعي اذوقهم
بله احنا شوديناالشويخ عاد كلش شكله مايفرق عن نينو
;p
لا تطلعين فيها نينو ههههه
من قال روحي هناك؟؟ اذا من ربع نينو اكيد عندج بدال السايق اثنين طرشيه يجيبلج .. بس هم تستاهلين المره الجايه لي مريتهم اعطيج خبر 🙂
ماكو على الشاورما ناااااااااااار صج قويه بس زهبو بطلين بيبسي عشان الحراره
offf shaklah 8awii, lazim injarbah!
ma7ad be5arib el rjeem '3air these kinds of posts!
lol .. maraa bel esboo3 maaayther.. 🙂